1 Hydref 2024 

Mae gan Education Support ystod o ddosbarthiadau meistr llesiant rhyngweithiol a chyffrous i reolwyr ac arweinwyr ysgol eu harchebu nawr. Mae'r lleoedd yn cael eu hariannu gan Lywodraeth Cymru, heb unrhyw gost i staff. 

 Ceir manylion pellach isod:

• Hawlio eich hun yn ôl: harneisio cryfder mewnol a hunan-dosturi o fewn arweinyddiaeth – Dydd Mercher 13eg Tachwedd       

Cofrestrwch nawr, heb unrhyw gost i chi! 

Weithiau gall gwaith eich llethu a byddwch yn colli eich hunaniaeth yn eich gwaith a all effeithio ar eich llesiant. Bydd y dosbarth meistr rhyngweithiol hwn, ar gyfer rheolwyr ac arweinwyr ysgol yng Nghymru, yn eich helpu i ad- ‘hawlio’ bod yn dosturiol tuag atoch eich hun a deall yr hyn sy'n bwysig i chi, adennill eich diben a chryfhau. Bydd yn tynnu sylw at y gwahaniaethau allweddol rhwng ‘gwneud’ a ’bod’ ac na ddylai un fod ar draul y llall.

• Sgyrsiau dewr ond tosturiol: deall prosesau rheoli –Dydd Mawrth, Tachwedd 26ain

Cofrestrwch nawr, heb unrhyw gost i chi! 

Mae'r gweithdy hwn, ar gyfer rheolwyr ac arweinwyr ysgol sy'n gweithio mewn ysgolion yng Nghymru, yn edrych ar y prosesau ymchwilio pan fydd pobl yn destun achwyniad disgyblu neu achos absenoldeb ac yn cynnig argymhellion ynghylch ymddygiad i wneud i'r broses redeg mor esmwyth â phosibl.

Byddwn yn edrych ar sut i drin eraill yn deg, meddwl am effaith y broses, cynnig cefnogaeth briodol, tonyddiaeth a thosturi a sut mae'r gyfraith yn ystyried gwaharddiadau.

• Newid yn ystod amseroedd anodd – Dydd Mawrth 21^ain Ionawr      

Cofrestrwch nawr, heb unrhyw gost i chi! 

Yn ystod y dosbarth meistr hwn, ar gyfer rheolwyr ac arweinwyr ysgol sy'n gweithio mewn ysgolion yng Nghymru, byddwn yn edrych ar nifer o ddamcaniaethau/modelau ymarferol gan gynnwys cylch galar diswyddo, y gromlin newid. Byddwn yn edrych ar sut i drin eraill yn deg, meddwl am effaith y broses, cynnig cefnogaeth briodol, tonyddiaeth a thosturi a sut mae'r gyfraith yn ystyried gwaharddiadau.

Awst 2024

 Gwybodaeth am ddosbarthiadau meistr a gynhelir ym mis Medi 2024.  

Ydych chi wedi bod ar un o ddosbarthiadau meistr rhyngweithiol Education Support?  Os nad ydych, peidiwch â phoeni - dyma eich cyfle!  

Mae dosbarthiadau meistr lles rhyngweithiol Education Support yn ôl ar gyfer mis Medi! Ariennir y lleoedd gan Lywodraeth Cymru, heb unrhyw gost i staff.

 DYDDIAD AC AMSER 

•  Medi 20fed, 09.30-12.00

CYNNWYS

•  Lles a llwyth gwaith: sut i reoli eich llwyth gwaith mewn lleoliad addysg, gan ofalu amdanoch eich hun ar yr un pryd 

 Yn ystod y dosbarth meistr cefnogol a chyfrinachol hwn byddwch yn:

• Rhoi sylw i'r hyn yr ydych yn angerddol yn ei gylch a phwrpas eich rôl, er mwyn eich atgoffa pam y daethoch i'r proffesiwn yn y lle cyntaf.
• Archwilio ymchwil a theori sy'n gysylltiedig â llwyth gwaith megis  'gweithio'n gallach nid yn galetach', damcaniaeth 'ymateb dos', y 'ffenestr oddefgarwch', enillion ymylol a'r cysyniad o gynhyrchiant. Byddwch yn archwilio'r theori a'r strategaethau cysylltiedig y gallwch eu rhoi ar waith i reoli llwyth gwaith addysgu yn well.
• Ystyried yr arwyddion a ddaw yn sgil 'gorweithio' a sut mae osgoi mynd i'r cyflwr hwnnw
• Archwilio'r ffordd orau o ofalu am eich lles yn ystod y tymor prysur ac yn ystod adegau anodd i chi 

Ar gyfer pwy mae'r dosbarth meistr hwn?

Mae’r sesiwn hon yn addas ar gyfer unrhyw un sy’n gweithio ym myd addysg, ond yn enwedig y rhai sy’n teimlo eu bod wedi eu llethu gan lwyth gwaith, gan gynnwys athrawon sy’n ei chael hi’n anodd teimlo eu bod yn athrawon llwyddiannus, gan lwyddo ar yr un pryd i ofalu am eu lles.

Gorffennaf 2024 

Mae Education Support yn trefnu dosbarth meistr rhyngweithiol ddiwedd mis Medi.  Cynhelir y dosbarth 'Arweinyddiaeth ysgol: Sut i ffynnu a ffynnu mewn cyfnod cymhleth' ar 25 Medi, rhwng 9.00 a chanol dydd.  

Mae’r dosbarth meistr hwn ar gyfer arweinwyr ysgolion a rheolwyr llinell yng Nghymru. Bydd yr arbenigwraig, Maggie Farrar, yn gweithio gyda chi i archwilio'r byd cymhleth yr ydym yn byw ac yn arwain ynddo, ac yn eich helpu i fanteisio ar eich doethineb eich hun i feithrin 'presenoldeb arweinyddiaeth'. Bydd hi'n edrych ar sut mae'r ychydig flynyddoedd diwethaf wedi magu arferion dealladwy a ffyrdd o weithio yn ein hysgolion sydd yn golygu mai gweithwyr ar 'lefel rhybudd uchel gyson' sy'n anodd eu newid.

Ymhlith y pynciau a drafodir yn y dosbarth meistr hwn mae:
• Ffyrdd o weithio sy'n erydu ein lles
• Sut y gallwn adeiladu arferion iachach
• Gwella ein gwytnwch i'n helpu i gynnal ein hunain yn y rôl heriol o fod yn arweinydd mewn ysgol
• Sut y gallwn ni gadw'n gytbwys, yn dawel ac yn ddiogel, hyd yn oed ar yr adegau mwyaf cythryblus
• Pwysigrwydd adnewyddu ac ailgyflenwi ein hunain fel arweinwyr
• Pwysigrwydd defnyddio ein sgiliau tosturi a charedigrwydd fel 'cyfrwng newid' yn ein hysgolion a pha mor bwerus yw arweinyddiaeth lwyr.

Gorffennaf 2024

Mae UCAC yn cynrychioli athrawon,  darlithwyr ac arweinwyr addysg ym mhob cwr o Gymru.  

Rydym yn awyddus i benodi ymddiriedolwyr newydd i gyfrannu at lywodraethiant yr Undeb. Mae croeso i unrhyw aelod neu gyn-aelod fynegi diddordeb, a’r Cyngor Cenedlaethol fydd yn penodi’n derfynol. 

Prif rôl Ymddiriedolwyr UCAC yw llywodraethu a rheoli asedau’r Undeb:  

• Gwarchod holl fuddsoddiadau’r Undeb, a derbyn cyngor gan yr ymgynghorwyr ariannol perthnasol
• Bod yn gyfrifol am eiddo’r Undeb, gan sicrhau fod anghenion iechyd a diogelwch yn cael eu diwallu a sicrhau bod yr eiddo yn cael ei gadw’n safonol. 
• Sicrhau bod Cynllun Pensiwn UCAC yn cael ei weinyddu’n effeithiol ac yn gywir gydag arweiniad arbenigwyr.

Mae’n gyfrifoldeb cyffredinol ar yr Ymddiriedolwyr i sicrhau gwytnwch yr Undeb a disgwylir iddynt gyfrannu at drafodaethau yn ymwneud â chyllid a datblygiad UCAC.

Disgwylir i Ymddiriedolwyr fod ar gael i gyfarfod o leiaf dair gwaith y flwyddyn. 

Disgwylir i ymddiriedolwyr wasanaethu am dymor o dair blynedd, ond mae modd gwasanaethu am sawl tymor yn ddilynol.  

Nid oes tâl i’r rôl hon, ond cynigir costau teithio. 

Os oes diddordeb gennych i ymgymryd â’r rôl, cysylltwch â Ioan Rhys Jones, Ysgrifennydd Cyffredinol UCAC Mae'r cyfeiriad e-bost hwn wedi'i warchod rhag robotiaid sbam. Rhaid i chi alluogi JavaScript i'w weld. am sgwrs neu i fynegi diddordeb gan roi crynodeb o’ch gyrfa ac amlinelliad yn egluro eich diddordeb.

Mehefin 2024 

Roedd mynychu fy nghynhadledd gyntaf gydag Undeb Cenedlaethol Athrawon Cymru UCAC yn brofiad hynod gyfoethog a gyfrannodd yn sylweddol at fy natblygiad fel athro dan hyfforddiant. Rhoddodd y gynhadledd hon ddealltwriaeth ddyfnach i mi o’r heriau a’r cyfleoedd amlochrog o fewn y proffesiwn addysgu, gan gynnig trosolwg cynhwysfawr a fydd, heb os nac oni bai, yn dylanwadu ar fy nealltwriaeth o ofynion y swydd wrth imi ddechrau fy ngyrfa.

Un o'r agweddau mwyaf buddiol ar fynychu cynhadledd UCAC oedd dod i gysylltiad â materion cyfoes a dadleuon yn ymwneud ag addysg yng Nghymru. Cefais gyfle i ymgysylltu ag addysgwyr profiadol, cynrychiolwyr undebau, a llunwyr polisi a rannodd eu mewnwelediad ar bynciau oedd yn amrywio o ddiwygio’r cwricwlwm i rannu gofidiau manylion newydd TGAU a oedd yn gysylltiedig â llwyth marcio. Roedd y trafodaethau hyn yn tynnu sylw at gymhlethdodau polisïau addysgol a’r goblygiadau ymarferol i athrawon yn y dosbarth. Mae medru cael mewnbwn a deall y materion hyn yn holl bwysig i bobl ifanc sydd am ddechrau yn yr yrfa hon.

Roedd rhwydweithio yn fantais sylweddol arall o fynychu’r cynhadledd UCAC. Roedd cysylltu â chyd-athrawon, addysgwyr profiadol, ac aelodau undeb yn meithrin ymdeimlad o gymuned a chefnogaeth. Bu rhannu profiadau a heriau gydag eraill yn fodd o agor fy llygaid i’r ffaith nad wyf ar fy mhen fy hun ar y daith hon, ac mae eraill yn rhannu'r un gofidion a theimladau. Wnes i hefyd gael y fraint o gael cyngor gan athrawon profiadol sydd wedi fy helpu i deimlo'n fwy hyderus a pharod ar gyfer fy mlwyddyn gyntaf yn yr ystafell ddosbarth.

Ymhellach, roedd cymryd rhan mewn trafodaethau am rôl undebau wrth eiriol dros hawliau athrawon a gwella safonau addysgol yn agoriad llygad. Roedd dysgu am ymdrechion yr undeb i sicrhau amodau gwaith gwell, cyflog teg, a chyfleoedd datblygiad proffesiynol i athrawon yn tanlinellu pwysigrwydd bod yn aelod gweithgar o’r gymuned addysgu. Mae’r wybodaeth hon wedi fy ngrymuso i gymryd mwy o ran mewn ymdrechion eiriolaeth, gan sicrhau fy mod yn cyfrannu at y llais cyfunol gan ymdrechu am newid cadarnhaol yn y sector addysg.

Roedd bod yn rhan o gynhadledd flynyddol UCAC yn hynod fuddiol er mwyn fy atgoffa pa mor bwysig yw lleisio barn a gwrando ar yr hyn sy'n digwydd yn y byd addysgu. Mae'n hanfodol fod athrawon boed yn brofiadol tu hwnt neu ddim ond dechrau ar eu gyrfa yn cymryd rhan weithredol yn y prosesau a’r penderfyniadau sydd yn llywio ein proffesiwn a'n dyfodol. Trwy aros yn wybodus, gall athrawon ddadlau dros newidiadau a fydd yn gwella safonau addysgol. Mae gan bob un person addysgol rôl i’w chwarae yn y trafodaethau hyn, er mwyn sicrhau bod lleisiau'r rhai sydd yn arwain addysg yn gyrru’r datblygiadau yma er budd pawb.