UCAC yn trafod goblygiadau gweithio'n hirach yn San Steffan

 

Mae'r cyfarfodydd hyn yn rhai sydd yn digwydd yn gyson ac yn cynnig cyfleoedd i'r llywodraeth, y cyflogwyr a swyddogion undebau ystyried yr heriau sydd yn wynebu athrawon wrth iddyn nhw weithio hyd at eu chwedegau hwyr. Mae’n allweddol bod UCAC yn mynychu'r cyfarfodydd er mwyn sicrhau llais y proffesiwn yng Nghymru gan nad yw cyflogau nac amodau gwaith wedi cael eu datganoli.

 

Yng nghyfarfod wythnos diwethaf cafwyd trafodaeth ar yr ymchwil CooperGibson ar weithio y tu hwnt i Oedran Pensiwn Arferol sydd wedi ei wneud gydag ysgolion yn Lloegr ond sy'n codi materion perthnasol i athrawon yng Nghymru;

 

Fodd bynnag, prif neges y cyfarfod oedd y byddai adroddiad llawn yr adolygiad yr o'r Adolygiad Gweithio'n Hwyach yn cael ei gyflwyno i ni ddechrau mis Medi. Bydd ystyried canfyddiadau'r adroddiad yn allweddol wrth gynllunio'r gweithle i'r dyfodol ac i fynd i'r afael â heriau gweithio'n hirach ac yn hynach.

 

Bydd Dilwyn Roberts-Young yn adrodd ar yr Adolygiad Gweithio'n Hirach yng nghyfarfod nesaf y Cyngor Cenedlaethol a bydd canfyddiadau'r adroddiad yn cael ei raeadru i'n haelodau yng nghyfarfodydd y Cymdeithasau Sir yn nhymor yr Hydref.