Prif noddwyr Cynhadledd Flynyddol UCAC 2025
Diolch i Capital Law am fod yn brif noddwr ein Cynhadledd Flynyddol eleni '25.
Mae Capital Law yn ddarparwr blaenllaw o wasanaethau cyfreithiol a chanddo brofiad helaeth ym maes Addysg. Rydym wedi cael y pleser o gefnogi UCAC a’i aelodau am yr 18 mlynedd diwethaf. Rydym yn falch o gydweithio gydag UCAC ac o fedru cynnig gwasanaeth cyflawn drwy’r Gymraeg, boed hynny mewn perthynas ag achosion yn y Tribiwnlys neu roi cyngor a chefnogaeth dros weithredu diwydiannol.
Edrychwn ymlaen at barhau â’n perthynas gyda’r undeb a’i aelodau.
Pwrpas Cynhadledd Flynyddol?
- Rhoi cyfle i aelodau dderbyn adroddiadau am waith yr Undeb ledled Cymru
- Ystyried materion llosg sy’n ymwneud â byd addysg drwy drafod cynigion a dod i benderfyniad, er mwyn gallu cytuno ar farn swyddogol yr Undeb
- Rhoi cyfle i aelodau gymdeithasu, trafod a dod i adnabod ei gilydd yn well
- Urddo Llywydd ac Is-lywydd am y flwyddyn ddilynol
Nod y Gynhadledd?
- Sicrhau bod aelodau yn rhan o broses ddemocrataidd, wrth ddod i farn a phenderfynu ynghylch amrywiol faterion sy’n ymwneud â byd addysg
- Troi cynigion yn benderfyniadau, er mwyn llywio polisïau, gweithgareddau ac ymgyrchoedd yr Undeb ar gyfer y dyfodol
Pam rydym ni’n annog aelodau i fynychu?
- Mae’n bwysig bod pob aelod yn cael cyfle i fynegi barn ac i fod yn rhan o benderfyniadau pwysig yr Undeb
- Mewn undeb mae nerth yw arwyddair yr Undeb, ac er mwyn gwireddu hynny, mae’n bwysig bod aelodau yn dod at ei gilydd mewn cynhadledd flynyddol
Manteision o fynychu
- Mae’n gyfle i gymryd rhan weithredol yng ngwaith yr Undeb
- Mae’n gyfle i wneud gwahaniaeth a llywio penderfyniadau
- Mae’n gyfle i ddod i adnabod cydweithwyr sy’n rhannu’r un profiadau
- Mae’n gyfle i gymdeithasu a dod i adnabod pobl ledled Cymru
- Mae’n gyfle i ddod i adnabod swyddogion a staff yr Undeb
